काठमाण्डौ ।
भारतीय प्रधानमन्त्री नरेन्द्र मोदी ले राष्ट्रिय स्वतन्त्र पार्टी (रास्वपा)का बरिष्ठ नेता बालेन्द्र शाह (बालेन)लाई शुभकामना दिएको भन्दै सामाजिक सञ्जालमा भ्रम फैलाएको आरोपमा दुई जना पक्राउ परेका छन्।
नेपाल प्रहरी का केन्द्रीय प्रवक्ता तथा डीआईजी अबि नारायण काफ्ले का अनुसार पक्राउ पर्नेहरूमा रामचन्द्र ठाकुर र नन्दप्रसाद भट्ट रहेका छन्।
प्रहरीका अनुसार उनीहरूले एआई प्रविधिबाट तयार पारिएको भिडियो प्रयोग गरी प्रधानमन्त्री मोदीले बालेनलाई शुभकामना दिएको जस्तो देखिने सामग्री सार्वजनिक गर्दै भ्रम सिर्जना गरेका थिए।
बालेन झापा–५ बाट प्रतिनिधिसभा सदस्यका उम्मेदवार बनेका छन्। प्रहरीले घटनाबारे थप अनुसन्धान भइरहेको जनाएको छ।
