काठमाण्डौ ।
नेपाल बार एसोसिएसनले न्याय परिषद नियमावली, २०७४ मा गरिएकाे संशोधन सच्याइनुपर्ने लगायतका माग राखी आज न्यायपरिषद्मा धर्ना दिएको छ । आजै बारले विज्ञप्ती जारी गर्दै न्याय परिषदले उक्त गैर संबैधानिक नियमावली संशोधन खारेज नगर्दा सम्म निरन्तर बिरोध तथा आन्दाेलनका कार्यक्रम जारी रहने बताएको छ।
संविधानको मर्म विपरित न्याय परिषद नियमावली संशोधन भएको प्रति असहमति जनाउदै बारले प्रधान न्यायधिस तथा प्रधानमन्त्री समेतलाई ध्यानाकर्षण गराई सके पनि सुनुवाई नभएकोले आजदेखी बिरोधका कार्यक्रम सुरु गरिएको बारले विज्ञप्तिमा उल्लेख गरेको छ । आन्दाेलनकै निरन्तरता स्वरुप भोली भाद्र १७ गते देशभरका अदालतमा दिउसाे २ बजे देखी ३ बजे सम्म बार ईकाइहरुले धर्ना दिने कार्यक्रम रहेको समेत विज्ञप्ति मार्फत जानकारी गराएको छ ।
बारले वकिलको वरियता पछाडि पारेर कर्मचारीलाई अगाडि राखेको र त्यही आधारमा न्यायाधीश नियुक्तिको चलखेल भएको जनाउँदै असन्तुष्टि पोख्दै आएको छ ।
